Экран оқу құралы
Ағымдағы жылдың 13 және 20 қарашасында академиялық ұтқырлық аясында техника ғылымдарының магистрі, А. Мырзахметов атындағы Көкшетау университетінің "Ақпараттық жүйелер және информатика" кафедрасының аға оқытушысы Ұлжан Болатқызы Құсайынова Батыс Қазақстан инновациялық-технологиялық университетінің "Есептеу техникасы және ақпараттық жүйелер" білім беру бағдарламасының білім алушыларына "Ақпараттық жүйелердегі мәліметтер базасы"пәні бойынша "Үлкен деректерді талдауға арналған мәліметтер базасы"тақырыбында дәріс оқыды. Дәрістерде үлкен деректерді талдау саласындағы дерекқорларды пайдаланудың негізгі аспектілері, соның ішінде архитектура және үлкен көлемдегі ақпаратпен жұмыс істеу әдістері, сондай-ақ заманауи ақпараттық жүйелердегі деректерді тиімді басқарудың практикалық тәсілдері қарастырылды. Білім мен тәжірибе алмасу студенттердің де, оқытушылардың да білім деңгейін көтеруге ықпал етеді, сондай-ақ оқу орындары арасындағы серіктестік байланыстарды нығайтады. Батыс Қазақстан инновациялық-технологиялық университетіне жақсы қарсы алғандары және белсенді ынтымақтастығы үшін шын жүректен алғысымызды білдіреміз. Энергетика, автоматтандыру және есептеу техникасы кафедрасының меңгерушісі Г.Ш. Утешеваға қолдау көрсеткені мен кәсіби тұрғыдан біліктілігі үшін ерекше алғысымызды білдіргіміз келеді.
"Ақпараттық жүйелер және информатика" кафедрасы