Экран оқу құралы
Өткен жаз көптеген белсенді студенттер үшін өздері тікелей қатысқан қызықты оқиғалармен есте қалады. Ағымдағы жылдың 6-9 тамызынан бастап Зеренді ауданында сыбайлас жемқорлыққа қарсы даярлықтың жазғы мектебі өтті, оның мақсаты өскелең ұрпақ арасында сыбайлас жемқорлыққа қарсы мәдениетті қалыптастыру және сыбайлас жемқорлыққа қарсы саясаттың негізгі факторы ретінде сыбайлас жемқорлыққа нөлдік төзімділік қағидатын ілгерілету болды. Жазғы мектеп аясында қатысушылар, олардың арасында "Саналы ұрпақ" университетінің студенттік клубының көшбасшылары –А. Мырзахметов атындағы Көкшетау университетінің студенттері сыбайлас жемқорлыққа қарсы саясатты дамыту бойынша өз ұсыныстарын енгізіп, сыбайлас жемқорлыққа қарсы жобаны ұсынды. Заң факультетінің студенті Бауыржан Рамазанның жетекшілігімен университет командасы сыбайлас жемқорлыққа қарсы үздік жобаның иегері атанды. Түркістан облысында 21-24 тамыз аралығында "Жастар рухы" атты жастар қанатының республикалық жастар саяси лагері өтті, оның делегаты заң факультетінің студенті Бауыржан Рамазан болды. Көптеген іс-шаралармен қатар мәжіліс спикері, "AMANAT" партиясының төрағасы Ерлан Қошановтың қатысуымен "Bir Tolqynda" ашық диалог алаңы өтті. Бағдарлама аясында "AMANAT" партиясының атқарушы хатшысы Дәулет Кәрібек, мәжіліс депутаттары Елнұр Бейсенбаев, Жұлдыз Сүлейменова, Асхат Аймағамбетов, Екатерина Смышляева және Темір Қырықбаев қатысушылармен кездесті. Спикерлер А. Мырзахметов атындағы Көкшетау университетінің студентінің белсенділігін атап өтіп, алғыс хат табыс етті.
А. Мырзахметов атындағы КУ баспасөз орталығы